U District Surveillance Officer ynne ka sngi da e u yaka Discharge Certificate cha u Lastborn Pillar Nonglang, uwa da chait na u COVID-19 ha South West Khasi Hills hei emlang ka Deputy Commissioner ka District ha Corona Care Centre, Mawkyrwat.
U Lastborn Pillar da Test ya oo wei da chem wa ym em de chah ktah u ha u COVID-19 deiwa leh yaka RT-PCR arsien haka sngi wa 14 wa 15 sngi wa leh Quarantine u. Ya oo da booh ha Corona Care Centre haka 8 tarik uni u bnai heiwa da Test wa em COVID-19 u deiwa em leh i chitom malu mala. Kamtæ da kini ki Test wa dang leh, da pynbna wa da man u uwa da chait wei da ye u wow liwan cha yung.
U Lastborn Pillar toh uwa yoh nyngkong ya u COVID-19 hapoh ka District uwa liwan na Gujarat hadien wa da pyndep u yei por yong oo hapoh ka Indian Army, uwa da khana leh yei chem yong oo waka DC kamjooh u DSO, wa ki bru ym toh u tieñ ki ya ini i kjut. Deiwa bood ya iwa phah ki Doctor, deiwa chong ngiah, deiwa baam yaki baam wa biang, deiwa pynkhlan yei pyrkhat pyrdaiñ kamjooh deiwa bood thij yaki kyndon Quarantine, kiwa yoh ya uni u khñiang ye ki wow chait hapoh kattu katni tayaw donhi wei ym toh leh wow booh ya kiwi hei maa.
Da e khublei u leh ya ki Doctor wa ki wakreh ka CCC kiwa sumaar sukhær ya oo.
Neiliang ka DC da ong ko wa man iwa sñiawsarong wow yoo ya ini i long i man yong oo wa chngaaiñ wa kmen wei kitbok kitrwaing leh ya oo wow yoh u yeiwa bha tam.
