15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Khut ka MFA ya kiwa kwah u man kam ki Match Commissioner

Advertisement ad1
Advertisement ad1

Shillong: Ka Meghalaya Football Association (MFA), deiwa ya krehlang waka All India Football Federation, daw pynman ki yaka Workshop/Seminar ya kitu kiwa kwah u man kam ki Match Commissioner.

Deiwa bood bniah yei long i man heiyatoh wa u COVID-19 hapoh ka jylla, kamtæ daw jied yaka tarik yow pynman ya kani ka Workshop/Seminar.

Ka Meghalaya kattæ em ko ya arngut ki AIFF Match Commissioner, hanla yaka yaleh bol man ko kawa dang khang wow pynman neidaw ka khlam, tangwa ha kini ki snem wa da lai, da ku ki pynman yakob yalehbol hapoh ka jylla, kamtæ emkaam wow pynboon ya ki Match Commissioners.

Kamtæ ka MFA da khut ko ya kiwa kwah u man kam ki AIFF Match Commissioners wow thap pyrtuid ki Online deiwa e lang yaka yutip chanphang yong ki (Curriculum Vitae) deiwa email cha [email protected] ha lane chwa ka 30 August 2020.

Hapoh ka email toh u booh lang ya kini ha wah:

  1. Pyrtuid
  2. Snem (toh u man 25 snem chaneiñ)
  3. I thaw sah
  4. District
  5. Ki kaam wa kreh ki
  6. I embynta ki hei wow pynman yaka yaleh bol
  7. Lada kreh ki namo ym em wa kawon kawon ka Club
  8. Lada kreh ki namo ym em wa ka District Association
Share this:
Previous

Mynstep u chong pyrkhat hajrong i rukom chondur Aadhaar: DC

Next

Da yoh liwan yung uwa chait na u COVID-19 ha South West Khasi Hills