U mrad khloo wa tip kam u Slow Loris da yoh wow pynlait oo na chnong Barato ynnin ka 8 tarik hadien wa em uwa chong chnong wa chem oo cha luti.
Uni uwa chem toh uwa tip kam u Hynruki Dkhar, wei da khana u wa hei miet ka 7 tarik heipor kamwa 10:30 hawa liwan u cha chnong hadien wa wan na Shiabnai deilang wa ki lok u da chem ki ya uni u Slow Loris cha luti ha i bynta wa tip kam i Umialang wa dang haap hapoh ka chnong Barato.
Neidaw wa yoo phylla wei wym jooh yoo ya kam uni u mrad wei u wym tip leh u yut, da rah noh u oo cha yung yow lait u jia ya oo iyi iyi wei hei step ka 7 tarik da pyntip cha u S.P. Lamare, Forester-1, Beat Forest Officer, I/c Ratacherra uwa da wan chimkti noh ya uni u Slow Loris ynnin ka 8 tarik.
Ya uni u Slow Loris da kit chwa cha Jowai yow leh yeiwa emkaam chwa wow pynlait biang oo chapoh khloo.
