Jowai: Hadien wa e Sanad ka JHADC ya u Dolloi ka Elaka Jowai, ynne ka jooh ka sngi da e Sanad won ko sa ya u Dolloi ka Elaka Maskut da u CEM ka JHADC u Thombor Shiwat hapoh ka karma kreh yong oo.
U CEM ha chwa wow e kti u ya ka Sanad da sneiñ u ya u Dolloi ka Maskut u Phrangki Rynjah wym hoi u chah pynbiej ha ki bru cha ki luti wa bakla ki wow pyrchah ya ka Council. Da kyntu leh ya u Dolloi wow synchaar hok wei bichaar hok ya ki paidbah wei wow kynjoh ktien leh wa ka JHADC ya iwon iwon i emkaam i yong ki.
U CEM leh da ong u wa kam ki MDC ye ki paidbah u kyntait hadien wa kut ka 5 snem katwa ki Dolloi won ym ye de u tyngkheiñ ya ki chi rta lait noh i yap. Kamtæ emkaam u syndong ki yei pyrtiud Dolloi wym hoi u wanrah yei naam wa sih yow man ka Elaka wa chong suk chong saiñ.
U Dolloi ka Maskut da e khublei u ya ka yungkrehkaam ka JHADC wei da kular wow synchaar ya ka Elaka katkam ka riti dustur wei da paan yarap u leh na ka Council yow pynbiang ya kiwa boon i duna hapoh ka Elaka.
Also Read: U Phrangki kam u Dolloi thymme ka Maskut
Discussion about this post