Ki 16 ngut ki khynroo Garo na Meghalaya kiwa da chah thok wow yoh kreh ha Mumbai, da em ki ha luti wow liwan biang cha yung, ya ini da pyntikna da u Montri ka chnat puræ puthi, u Rakkam A. Sangma heiwa da e khublei u ya ki sahep ha Mumbai wa Meghalaya kiwa da kreh chirup wow pynlait ya ki.
Kini ki khynroo da chah thok ki ha u Pijush R. Marak uwa da kular kreh ya ki ha kawi ka Company kawa tang u em leh ym em wei da chah ujor FIR u leh heiyatoh wa ini.
Neiliang u Montri Rangbah ka jylla, u Conrad K. Sangma leh da kular u wow chimkhia yeini wei wow pynbiang ya ki u liwan ki cha yung.
U Rakkam leh da kyntu u ya ki khynroo wa thooh kreh wow man kiwa syndong hawa lai thooh kreh ki.
Discussion about this post