Ka Dorbar Chnong Wapung Chnong ha ka 25 tarik uni u bnai da pynman ko yei jied Waheh Chnong heiwa yeini da wan wow sakhi da u Dolloi ka Elaka Jowai, u Puramon kynjiñ.
Yei kaam waheh chnong da yaleh hapyrdi u Damutmiki Dkhar, u Kduplang Ryngkhlem (uwa man kam u waheh chnong warim), u Mutlang Dkhar, u Nishes Dkhar, u Seinmi Dkhar wa u Speedmi Rymbai.
Kani ka jied waheh chnong da pynman deiwa thap Vote heiwa u Damutmiki Dkhar da yoh Vote u 316 tylli, u Kduplang Ryngkhlem da yoh u 136 tylli, u Mutlang Dkhar da yoh u 369 tylli, u Nishes Dkhar da yoh u 155 tylli, u Seinmi Dkhar da yoh u 217 tylli katwa u Speedmi Rymbai da yoh u 221 tylli.
U Mutlang da yoh u yei jop deiwa tam da 53 tylli ki Vote ya u Damutmiki Dkhar uwa da yoh wa ar.
Da kini ki 369 tylli ki Vote, u Mutlang Dkhar da man u kam u waheh chnong thymme neibynta ki 3 tylli ki snem.
Ha kani ka thap Vote da em leh 5 tylli ki Vote kiwa chah kyntait.
Discussion about this post