Da yoh Work Order yow booh kor ATM ha SBI Mynso Branch

Ka JNC Western Zone hapoh i yahkhmat u President yong ka, u Hamehi Bamon, ynne ka sngi dap ko dei sñiawngooh sñiawburom ya ka Branch Manager ka SBI Mynso Branch, ka Jongnon Sankey wa da ap da sñiaw ko yei dawa ka seiñ wei da yaleh chitom ko u pynyoh ya ka kor ATM yow suk ki paidbah u sai poisa hadien wa da wan dawa ka seiñ wei dadep e leh wei thoh ha ka 27-02-2026.

Neiliang ka seiñ sñiaw burom ko chiboon ya ka Branch Manager wa da chimkhia sakhiat ko wei da yoh leh ya ka Work Order wow chna ATM na khlieh dooh ka Bank krehkaam ka SBI, kamwa da kular ka BM ya ka seiñ wow yaleh chitom ko wow pynyoh kor sai poisa du hapoh 2 bnai.

Related posts

Hei yung wym em wa sah suba wa chah pynyap ka Eilang ha u Kenedy

April 10, 2026

Yap le ngut ki khynnah kynthai nei ngam-um ha ka kchaaid

April 10, 2026

Da ong ko leh wa ya kani ka Work Order daw pynkreh wut-wut hadien kattu kani sngi donhi heiwa yei thaw wow booh ya kani ka kor ATM leh dadep pynkhreh.

Ka seiñ daw booddien ko leh hadooh wa yoh kor ATM sa ha ka Meghalaya Rural Bank, Mowkaiaw khnang wow pynsuk ko yei emkaam ki paidbah katkam wa yah ka juk wa katni.