Hei yung wym em wa sah suba wa chah pynyap ka Eilang ha u Kenedy

Ki pulit ka East Khasi Hills da pynjoor ki yei takit heiyatoh wa i chah pynyap ka Eilang Phawa (39 snem) deiwa suba ya u Kenedy Khongsit uwa dadep chah kem chwa heiyatoh wa i pynyap ya uwi khynnah iwa da jia ynnin u snem.

U SP ka East Khasi Hills, u Vivek Syiem ynne da pyntip u wa ki pulit da paan chooh chooh ki wow kset ya u Kenedy yow takit ya oo heiyatoh won wa i pynyap ya ka Eilang.

Da ong u wa da yooluti wa i takit u pyndep ki hapoh 90 sngi wei wow Charge Sheet wot.

Katkam wa chem i takit, u Kenedy wa ka Eilang toh kiwa ya tipmit wei kiwa yajan lok wei kattæ ym pu nood u ong kammon i jait yatohlok.

U SP da pyntikna u wa ya ka Eilang da yoo ka wa u Kenedy ha ka 20 wa 21 tarik u March wei da tip leh wa da lai yah u ka cha iwi yung wym em wa sah heiwa da suba wa chah pynyap ko ha ini i thaw.

Ki bru ka Forensic dadep ki wow lai cha ini i thaw yow lai pynlum pynlang ya ki sabut. U SP da pyntip u leh wa dang yang ya ka Post-Mortem Report yow tip kammon wa da chah pynyap ka Eilang.

Kam wow pynkynmoo yei metyap ka Eilang da chem na ka wah khian wa em ha Lapalang ha ka thaaiñ Nongrah ha ka 6 tarik uni u bnai hadien kamwa ar tayaaw wa wiar ko nadooh ka 20 tarik u March.

Related posts

Kiwon kiwon ye ki wow wan yaleh Election na Nartiang deilang u Ardent, ong u Sniawbhalang

May 21, 2026

I psiah kiwa boon cha ka NPP ha kini ki sngi e kyrmen ko wow jop u kyrtong MP ka Party: Sniawbhalang

May 21, 2026