15 49.0138 8.38624 1 0 4000 1 https://wyrta.com 300 0

Da yooluti wa da ki hajar wow wan sakhi ya ka Miss Meghalaya 2019 ha Dawki

0 Comments
Advertisement ad1

Shillong: Ka rynsan yaknieh yei naam Miss Meghalaya 2019 ye ko wow man kam kawi na ki rynsan wa heh bha kawa ye wow khrin ya kiwa uiñke suwar na baar jylla kamjooh napoh ka jylla da ki hajar ngut neidaw wa man ko kam ka laad wow kynthiar leh cha kiwi ki kyrdan wa heh heiwa kiwa jop ha ka kyrdan nyngkong hadooh wa soo daw pynkhreh ya ki wow lai ki cha ki yakob wa heh chooh chooh hapoh ka ri.

Kiwa jop haka ‘Miss Meghalaya – 2019’, daw pynkhreh ya ki wow lai chimbynta ki ha ka yakob Miss India Earth 2019, Miss India International 2019, Miss Multinational 2019 waka Miss Teen India 2019 ki wow pynman ha Mumbai wa Delhi.

Katkam ka kyrwoh na u President ka Meghalaya Tourism Youth Development Society (MTYDS) uwa man leh u Waheh Chnong ka chnong ka Bakur, u Daniel Khongsit da ong u wa katkam ka khubor wa da yoh em ki chiboon kiwa wow wan sakhi ya kani ka yakob miat kynthai kiwa na jan wa na jngai ka wow pynman ha madan bol Bakur, Dawki haka 16 tarik uni u bnai ka wow sdang nadooh i por 7 waje i janmiet.

Neibynta ka MTYDS da khut sñiawbha ya waroh wow wan ha kani ka sngi wei ka bai psiah man ko du T. 100 donhi samen.

Ka chnong Bakur, Dawki jngai ko kamwa 80 Km na Shillong wa 56 Km na Jowai, wei neiliang uwa pynman ya kani ka yakob da ong u wa daw wan kiwa boon wow sakhi ya kani ka miet wow pynman ya ka Miss Meghalaya 2019.

Advertisement ad1

0 Comments

Leave a Reply