Dai pyrchah aiñ cha u baar jylla yei thaw wa em ha Daistong yow sdang ya ka Shree Cement: JNC

Ka seiñ Jaiñtia National Council (JNC) ynne da lai ujor ko ha u Deputy Commissioner ka East Jaiñtia Hills pyrchah ya ka Shree Cement Limited kawa da thmu wow sdang ya ka karkhana ko ha chnong Daistong.

Ha ka ujor da ong wa yei thaw da thied pyrchah ya ka aiñ heiwa da dai yei thaw cha u Bharat Sharma uwa man kam u baar jylla da u tre thaw uwa tip kam u Syrpailang Sukhlain wei deiwa leh kamni da tyngkheiñ ko ya ka aiñ Meghalaya Transfer of Land Regulation Act, 1971 kawa da khang yei dai thaw kamni khlem da yoh bor leh na ka Jaintia Hills Autonomous District Council.

Ka seiñ da ong ko leh wa wot ka sorkar jylla ini wa dep da ong ko wa deiwa pynkrehkaam ya ka Meghalaya State Investment Promotion Facilitation Act (MIIPA) 2024, ym ye ko wow pyndam yei bor ka Meghalaya Transfer of Land Regulation Act, 1971, kamtæ da dawa leh wow kyrriah noh ya ka Public Hearing wa da booh ka MSPCB wow pynman ha u December 2025.

Da beiñ leh ya ka MSPCB wa da booh tarik ko wow pynman Public Hearing khlem da pynsakhiat ya ki kot ki sla.

Related posts

Chem ka KSU lyngba ka RTI wa u VC ka Law University pynlut u Rs. 3 lak kam ka bai kiad | Rs. 15 lak tam hei lai i wan

November 28, 2025

$240 Million u chim ram ka Meghalaya na ka World Bank yow pynchna sarok wa kiwi de

November 28, 2025

Neiliang u DC da kular u wow chimkhia ya ini i kaam.

I thaw wa dadep dai toh iwa heh 25.08 Hectare (61.97 Acre) iwa tip kam i Khara Siang Lum Pyrshim heidor wa Rs. 4 lak chi Acre.