Ka jylla Meghalaya hadooh kattæ em ko hadooh 10,000 ngut ki bru kiwa em ya u khñiang HIV/AIDS wei napyrdi kini hadooh 500 ngut toh ki khynnah wei yeini da pyntip da ka Dr. K.L. Ïawbor, ka Project Director ka Meghalaya AIDS Control Society (MACS).
Da pyntip wa ka East Jaiñtia Hills toh kawa boon dooh kiwa em ya u khñiang HIV/AIDS, wei kiwa boon na ki khynnah wa ngat toh kiwa wan na ki yung wa dooh wa duk.
Ka Dr. Ïawbor da ong ko wa i daw wa hakhmat dooh i poor uni u khñiang toh nei yathiah yadem wa kiwa boon ki bru wei em leh boon ki wym bien u wan chakhmat yow phah Test.
Hawa pynbna wa ka jylla da pynkhreh ko wow lehkmen ya ka World AIDS Day ha ka 1 tarik u December, ka Dr. Ïawbor da ban joor ko yei emkaam wow chimlang yei kitkhlieh wow kdoh u khoom yei poor uni u khñiang.
Ka MACS dang dep pynman ko ya ki rynsan yalap wa ki yalang wow leh Test, heiwa na ki 6882 ngut ki bru da chem wa 24 ngut toh kiwa em ya u khñiang HIV.
Neibynta ka World AIDS Day, ka MACS da pynkhreh ko wow pynman ya ka Bike Rally wa kiwi kiwi de ki kaam ha ka 1 tarik heiwa u Montri Rangbah ka jylla, u Conrad K Sangma daw man u kam u kongsan yow pynsñiawthooh wei wow kyrchaan ya kitu kiwa im wa u khñiang HIV/AIDS.
Puræ leh: Duna 3,000 ngut kiwa im wa u HIV ha East Jaiñtia Hills
Discussion about this post