Ka Demo ATM Van yong ka Meghalaya Co-operative Apex Bank (MCAB) Jowai kawa da wai paidbah nadooh ka 19 tarik u December 2019 ha Jowai hajrong ka thong u pynsuk yaki bru ka District khamtam kiwa sah cha ki thaaiñ nongkyndong deiwa lai kani ka kari na iwi i thaw cha kawi tawan ka thaw wa kynthup kam haki thaw wa man yaw, heiwa ki paidbah ye ki u sai poisa, u pait yaka Balance, u yoh yaka Mini Statement nalor kiwi won ki myntoi dei wym duk de u lai jngai chadooh ki chnat krehkaam yong ki Bank waphær waphær, kamtæ ha kini ki sngi wada sdang won ka Curfew hapoh ka District waka jylla waroh kawi, ka chnat Meghalaya Co-operative Apex Bank Jowai da pyrchang ki wow uiñ u lai du kat ha Jowai donhi deiwa lai cha ki dong ki chnat yow yoh ki paidbah u sai poisa neibynta i emkaam yong ki.
Yeini i rukom lai da booh dei por wei chwa wow lai ko ha kawon kawon ka dong da e yutip chwa chaki bor pynlai dong næ chnong wei ki leh yoh ki u pyntip paidbah wa daw wan kani ka kari khnang wa kitu wa emkaam poisa u yoh ki u lai sai.
Hei yaklam waka Branch Manager yong ka Meghalaya Co-operative Apex Bank Jowai, ka O. Lato khana ko wa kat wym pu em pynkrehkaam yaka Curfew haka District, kani ka kari jooh lai ko cha ki thaw wa man yaw yow pynsuk yaki paidbah katwa heipor wym em u lai palat chnong won da lai ki ha Dr. Norman Tunnel Hospital Jowai neibynta i emkaam poisa ki paidbah wa em ha Hospital.
Kamtæ ha kini ki sngi kat wym em de ki yaw ki haat da pyrchang noh ki u lai cha ki dong ki chnat hapoh Jowai wa kamjooh cha Hospital deiwa bood leh yaka kyndon Social Distancing.
Discussion about this post