15 49.0138 8.38624 1 0 4000 1 https://wyrta.com 300 0

Daka Countdown 2020 yow pdiang snem thymme ha East Jaiñtia Hills

0 Comments
Advertisement ad1

Jowai: Ka Eva Yan Pictures Society daw pynman ko yaka Musical Concert kawa nyngkong dooh kawa e pyrtuid ka “Countdown 2020” yow pdiang sñiawbha ya u snem thymme.

Ya kani ka Concert daw pynman ha kani ka 31 tarik u Kmaichonglad (Dec) 2019 ha Eastside Inn Ground, Jalyiah Bypass, Khliehriat, East Jaiñtia Hills District nadooh 01:00 waje i sngi hadooh 12 waje pyrdi synyaw.

Daw em leh ki thaw dai (Stalls) waphær waphær ki wow dai ya ki jait baam wa harukom wa ki yalehke wa boon jait. Daw em leh ki Bonfire hapoh ka thaw pynman yaka tamasa.

Ki wa rwai wa kiwa tem wow pynchongchit ha kani ka sngi toh kiwa pawnaam na Mizoram ki Avora Records, ka DJ Yanny na Arunachal Pradesh, Dalariti & The Folks na Shillong, Ka Rapper Reble na Jowai, Rapper Kabir na Shillong wa ki Larger Than 90 na Jowai.

Ya ki Tickets ye u yoh pyn na i thaw wa pynman wei i dor man i T. 500 neibynta ki waheh wa T. 100 neibynta ki khynnah hapoh 12 snem.

Yaka yutip wa rap bniah, kiwon kiwon ye ki wow phone ha kini ki number 8787566798 wa 8974739888.

Advertisement ad1

0 Comments

Leave a Reply