Jowai: Ka yalehke bol kawa da pynman ynnin ka sngi ha Wapung skur kawa pynlai da ka Moopynieiñ Socio Cultural & Sport Organisation (MSCSO) ya kawa datip kam ka 9th Cash Prize 2019 Football Tournament man ko kawa ya thaiñ wa kawa yoosuk.
Ka yalehke da pynman hapyrdi ka Wapungtre FC pyrchah yaka Wallam FC. Marsien sdang ka yalehke neiliang kiwa yalehke ka Wapungtre FC da yoh ki wow pynkhih nyngkong yaka jaar haka minit kawa 5 lyngba u Anloi Dkhar. Marsien chah thap, kiwa yalehke ka Wallam FC leh khlem e laad da yakhun dohyap wow yoh u pynuiñ yaka chi kool kawa da chah thap, wei hapoh 18 minit yong ka kylla step hi, da yoh wow su kylla lyngba u Predi Siangshai.
Kani ka yoh thap wa mar chi kool da neh ko hadooh wa kut yong ka yalehke wei da pynman da ka yachut Tie-Breaker.
Haka yachut Tie-Breaker neiliang ka Wapungtre FC da jop ko da 5-3 pyrchah yaka Wallam FC.
Ka yakhun kawa bood u man ko hapyrdi ka Yonglang FC pyrchah yaka Rymbai FC haka 19-08-19 ha i por 2:30 i sngi.
Discussion about this post