15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Sa ha Mawngap sdang ka Meghalaya Baby League 2019

0 Comments
Advertisement ad1
Advertisement ad1

Shillong: Ka Meghalaya Baby League 2019 da sdang ya ka sa ha Mawngap Centre ynnin ka sngi wei da pynman 12 tylli ki yalehke. 

Da pteiñ leh ya ki yalehke ha Shillong Centre wa Smit Centre. Da em leh ka Laitkseh Baby League, kawa pynman pyn da ki hi kawa da tipmit da ka Meghalaya Football Association, da sdang ki ya ki yalehke yong ki. 

Advertisement ad1
Advertisement ad1

Ki 6 tylli ki dhab wa em ha Mawngap Centre toh ka Marbisu Phoenix, Lawmei Leopards, Little Kickers Ferrets, Nongtrai Cheetahs, Upper Shillong Colts wa Rangdajied United Eagles. 

Da sdang ya ki yalehke hapyrdi ka Marbisu Phoenix waka Lawmei Leopards, heiwa ka Phoenix da jop ko haka kyrdan U-9, ki Leopards da jop ko haka U-12 katwa haka U-7 wa U-11 da kut ki khlem em wa jop. 

Ka Little Kickers da jop ko ya waroh ki 4 tylli ki yalehke pyrchah yaka Nongtrai Cheetahs kamjooh ka Rangdajied United Eagles da jop ko yaka Upper Shillong Colts ha waroh 4 tylli ki yalehke. 

Ha Shillong ka Touchline NE Cubs da jop ko ya ki yalehke U-7 wa U-11 pyrchah yaka Mawlai Raptors. Ka yalehke U-12 da kut ko da 1-1, ki Raptors won da jop ki yaka yalehke U-9. Ka Onsides Gibbons waka PFR Flying Squirrels, da jop ki mar arsien. Ka Nongthymmai Scorpions da jop ko yaka JNS Jaguars haka U-7, U-9 wa U-11 katwa ka yalehke U-12 da kut ko da 3-3. 

Ha Smit won, ki Mawlatbah Hawks da jop ki waroh 4 tylli ki yalehke pyrchah ya ki Mawryngkneng Goldfinches, kamjooh leh ki Laitkor Flamingos kiwa jop ha waroh 4 tylli ki yalehke pyrchah yaka Deni Linda Pumas. Ka Smit Grassroot Zebras da jop ki 3 sien pyrchah ka Wahlakhiat Bulls katwa ka Bulls won da jop ko chisien. 

Share this:
Previous

Daka Tie-breaker jop ka Wapungtre FC yaka Wallam FC

Next

Yoh kem ki pulit ka Manipur ya i drug wa chongdor T. 166 Klur na ka karkhana chna drug