Ka sorkar India da kubur ko wa da yoh ko i kyrpaad na Dhaka wow e kti ya ka Prime Minister warim ka Bangladesh, ka Sheikh Hasina wei katni dang bichaar ko yeini katkam ki kyndon ka aiñ.
Uwa e ktien ka Ministry of External Affairs (MEA) ka India, u Randhir Jaiswal da ong u wa ka India smat ko wow kreh neibynta i myntoi ki paidbah ka Bangladesh wei wow wanrah yei synchaar paidbah ha katai ka ri chirup wei chongsuk.
U Jaiswal da kubur u wa da yoh i kyrpaad na ka Bangladesh heiyatoh wa ini wei dang puræ bniah yei jooh katkam ki kyndon ka aiñ.
Ka Bangladesh da thoh ko cha ka India wow e kti ya ka Sheikh Hasina hadien wa rai pasi ka International Crimes Tribunal (ICT) ya ka.
Kam wow kdaw heini, ha ka 17 tarik ka ICT ka Bangladesh da rai ko wow pasi ya ka Sheikh Hasina hadien wa chemdien wa emkti ko ya ki kaam pyrchah ya i manbru (Humanity) heipor wa man i yakhih ha u July 2024.
Discussion about this post