U Chief Minister ka jylla, u Conrad K. Sangma ynne ka sngi hadien wa yachem wa ki dkhot ka Jaiñtia Students’ Union (JSU) ha CTC Orchid Inn Thadlaskeiñ, da kubur u wa ka Result Exam yong ka SSLC ha uni u snem da ku bha ki khynnah wa Pass hadooh wym ye de wow mutdur wei ini da booh i hei eh ya ki khynnah kiwa dang dooh thaw puræ.
Hajrong i dooh Admission ki khynnah cha ka Class XI hapoh Ri-loom Jaiñtia da ong u wa da boon da kiwa Pass bar ya ki Seat ha ki College, wei da kyrmen u wa ha u snem wow wan daw ye wow pynbait ya ini.
Da ong u leh wa iwa eh bha toh wa ki khynnah kwah ki wow lai puræ ha ki thaw sorkar kam ha ka Tura College wa ha Kiang Nangbah Government College wei ini da pynchitom i ya ki College wow pdiang ya ki khynnah waroh.
Heijooh i por da pdiang u yeiwa e yumut u MLA ka Jowai wa ki dkhot ka JSU wow pynboon ya ki Class deiwa em kam ka Morning wa Day Section wei wow pynheh ya i yung ha Kiang Nangbah Government College wa ka Govt. Boys HS School.
Hawa kylli yei dawa ki seiñ wa ki MLA na East Jaiñtia wow sdang ya ka Government College ha Khliehriat, u Conrad da ong u wa ya katni ka sorkar u pynkhlan chwa ko ya ki ‘People’s College’ kiwa yakrehlang wa ka sorkar wei heiyatoh wa ka College ha East Jaiñtia Hills da ong u wa ka sorkar daw bichaar ko yeini.
Discussion about this post