U MLA ka Amlarem Constituency, u Lahkmen Rymbui da ong u wa em kamwa 40 Km ki thaw wa em ha khappood wa ka Bangladesh wei na kini da kær sainar chieh du kamwa 2 Km donhi hapoh ka Constituency u.
Hawa klam ynne ka sngi, u Lahkmen da ong u wa kamwa man kattæ ka thaaiñ khappood wa ka Bangladesh dang chngaaiñ ko neibhah wa ki chipai BSF da pynkhlan ki yei uiñ sonteri khamtam hadien wa da mih i kynaad hapyrdi ka India wa ka Pakistan.
Heijooh i por da ong u i daw wa ki bru pyrchah ki yei kær sainar toh neidaw wa daw dooh lut ki yei thaw ki pata wot ya ki thaw sah wei daw haap ki cha baar u sainar chieh lada kær 150 Yard na u pood namo u International Boundary.
Da ong u leh wa neibynta i chngaaiñ ka ri, emkaam ya ki bor sorkar wow pynsñiawthooh bha ya ki paidbah yow ya pynbait ya ini i kaam.
Discussion about this post