Hadien wa psiah ki 3 ngut kam ki MLA ka NPP na ka UDP, da mih ki khubor wow kylliang chuki noh ya ki Montri, heiyatoh wa ini, u Deputy Chief Minister, u Sniawbhalang Dhar ynne da ong u wa dang du u Paul Lyngdoh wow man kam u Montri ya katni chooh.
Yeini da ong u hawa kylli lada dang em kiwi ki MLA wow man Montri.
Heiyatoh won wei wow kylliang ya ki chnat, u Sniaw da ong u wa yeini u Chief Minister wow rai.
Hajrong wa lada ki MLA ka BJP u yoh chuki Montri chooh ki, da ong u wa katkam wa man katni du u Paul donhi wei daw pait won hadien.
Ini wan i hadien wa u MLA ka West Shillong u Paul Lyngdoh wa ar ngut ki MLA warim ka UDP da psiah noh ki cha ka National People’s Party, iwa pynku ya ki MLA ka NPP na ka 33 cha ka 36.
Neiliang u Conrad hadien wa baam smai u Paul Lyngdoh wei hawa yaklam wa kiwa thoh khubor ynne ka sngi, da pyntikna u wa daw chimpor kattu katni sngi chwa wow chim rai da kiwon ki chnat sorkar u yoh u Paul.
Discussion about this post