Shillong: U Vice Chancellor ka English and Foreign Languages University, u Prof. E. Suresh Kumar ynnin da yachem u ya u montri rangbah ka jylla, u Conrad K. Sangma ha kamra krehkaam yong u Conrad wow chimkhia wow pynman ya kani ka University wow man ko ka wow pynsuk ya ki khynnah ka Meghalaya wa ka thaiñ mihsngi waroh kawi.
U Prof. Kumar da ong u wa kani ka skurbah, kawa em campus ha Shillong ympu em u pynemkaam ya ka hadooh wa biang neibhah dang duna bha ki khynnah napoh ka jylla kiwa puræ ha ka.
Da kyntu u ya u Conrad wow pynchlur ya kiwa sikai skur wow chim yei esikai wa yoh na kani ka skurbah yow pynpliah ki ha ki kaam sikai yong ki heiwa u Conrad da kular u wow chimkhia yeini.
U Conrad da pachat yumut u leh ya u Vice Chancellor wow sdang wow hikai noh ya ki ktien kam ka Japanese wa Mandarin, ki ktien wa ye u yarap ya ki khynnah na kani ka thaiñ.
U Conrad da ong u wa em chiboon ka kabu ya ki khynroo khyllood ka jylla kamtam neidaw wa em chiboon ki project ki wow yakreh namo wow pynkreh da ki Company kiwa na Japan.
Discussion about this post