Shillong: Ka Hills State Peoples Democratic Party (HSPDP) dang paan ko ya ki kot ki sla na u president warim ka party, u Ardent Miller Basaiawmoit khamtam heiyatoh wa i lut i sep ka party ha ka election MLA wa dang dep ha uni u snem.
Hawa yaklam wa kiwa pathai khubor ynne ka sngi u chief organizer ka HSPDP, u Samlin Malngiang da ong u wa ka party toh u phah ko cha ka Election Commission ya i lut i sep heipor election tangwa da paan por na ka ECI neibhah wympu yoh lut ya ki kot ki sla na u president warim.
Da pyntip u leh wa ka party da phah ko boon tylli ki chithi cha u president warim heiyatoh wa ini i emkaam ka party, tangwa hadooh katni ympu yoh ya ki kot ki sla.
“Da yoh i dang du kattu katni ki kot ki sla ka party tangwa dang em kiwa u Ardent ympu pynuiñ u khamtam heiyatoh wa i lut i sep neibynta ka election, daw lai yachem i neini ya oo,” da ong u Samlin.
Ha iwi won i liang da ong u wa lada ki heh ka party mih namo ieh ki yei kaam daw ktah i ya ka party, wei lada em kiwa wan psiah cha ka party e mynsien i ya kiwa kitkaam.
Discussion about this post