U Secretary ka Meghalaya Pradesh Congress Committee (MPCC), u Manuel Badwar da ong u wa ka Congress ympu em yaklam ko hajrong u kyrtong MP neibynta ka Election chiteiñ samoi na Shillong deiwa pynrap wa dang hap wow burom yei khlaad syndet u MP, u Dr. Ricky AJ Syngkon.
Hajrong i poor i pyrtuid u ha Social Media, da kyntait u deiwa ong wa ym em kam itæ wei toh i kaam yong ki bru wym tipmit.
Da e dak u leh wa u MP warim uwa man u President ka MPCC, u Vincent H Pala ye u wow man u kyrtong cha ka Shillong Lok Sabha By-Election, deiwa ban biang wa ympu em u rai hajrong ini.
Chooh chooh da ong u wa u kyrtong thymme emkaam u wow pynyahaap wei yatoh wa kiwa em ha Delhi, nadooh i yachem wa kiwa em hei bor khnang wow tip yei rukom krehkaam.
Da ong u wa ka Election MP u man ko hajrong ki mat ka jylla, khamtam ki ar tylli ki dawa ka jylla, wa kynthup ya ka Inner Line Permit wei wow kynthup ya ka ktien Khasi wa Garo ha ka Eight Schedule.
Discussion about this post