Ynne i janmiet ki seiñbhalang na West Jaiñtia Hills kiwa em hapoh ka lama ka CoMSO da pynman ki ya i thang mombati ha Lad College, namo hajan i thaw psiah cha ka Kiang Nangbah Government College, Jowai.
Ini i thang mombati ka CoMSO toh kam chibynta wow pynjoor yei dawa pynkrehkaam noh ya ka ILP wa ka MRSS (Amendment) Bill 2020 namo ka MRSSA.
Chooh chooh ini leh u man i kam ka dak wow dawa pynbait noh ya u pood ka jylla wa ka Assam kamjooh leh wow pynpsiah ya ka ktien Khasi ha ka Eight Schedule ha ka riti synchaar ka ri.
Ha ini i thang mombati ynne i janmiet da em ka yalang wa tbian heiwa da yoh yei klam na kiwa kitkaam ki seiñ na West Jaiñtia Hills heiwa kiwa klam da ban joor ki ya ka sorkar jylla wow pynjoor ko u booddien wow ye noh u pynkrehkaam ya ka ILP hapoh ka jylla kamjooh leh wow pdiang noh u Lat ya ka aiñ MRSSA.
Heijooh i por da kynmooo tympang ki leh ya kiwa yahkhmat wow yakhun wow yoh ya ka jylla Meghalaya.