Dang pteiñ hi i chah tooh thuk-thuk

I chah tooh ki thuk-thuk dang pteiñ hi i hadooh kini ki sngi heiwa pyn ha ka 1 tarik uni u bnai u Gautam Pathak da ujor u wa heipor kamwa 2:30 hadooh 3:30 i step da em wa tooh ya ka thuk-thuk u kawa em Number ML-05AG-6656 kawa da pynyieñ u hajan ka Narsingh Akhara Temple, Qualapatty, Shillong.

Ha u bnai wa dep leh du ha ki sngi wa chwa wow kut u bnai da em boon tylli kiwa chah thooh heiwa u Ferdinand Wahlang da ujor u wa ha ka 25 tarik heipor kamwa 1:00 waje i step da chah tooh ka Scooty u kawa em Number ML-05AC-7816.

U Welbert Lyngdoh Mawphlang da ujor u wa hei miet ka 26 tarik wei ye u man hadooh wa kylla tarik da em wa tooh ka ka Scooty u kawa em Number ML-05AC-3631 kawa pynyieñ u harood sarok ha Lumshyiap, Pdengshnong, Shillong.

U Markordor Kharmalki da ujor u wa ha ka 26 tarik heipor 1:00 waje i step synyaaw hadooh 3:00 waje da em wa tooh ya ka thuk-thuk u kawa em Number AS-01DY-7037 kawa da booh u ha Laban, Last Stop, Shillong.

Related posts

6 bnai phah kset ka yung bichaar ya uwa kdoh ya uwi u bru hapoh khloo deiwa dat wei pynchitom oo nei miet hei step

December 16, 2025

Chah tooh kawi ka Scooty wa pynyieñ ha lait ka Woodland WK Hospital

December 12, 2025

U Siddhart Chettri da ujor u wa ha ka 26 tarik hi heipor kamwa 4:00 waje i step da em kiwa tooh ya ka thuk-thuk u kawa em Number ML-05Z-7592 na Rilbong, Shillong.

Ha ka 25 tarik da ujor uwa chong chnong ka Lumpyrtuh Mihmyntdu, WJH wa em wa tooh ya ka Scooty u kawa em Number ML-04D-8259 heipor kamwa 2:00 waje i step.