U Secretary ka KSU Namdong Area Unit da pyntip u wa da chem u dei khmat wa ka Namdong Community Health Centre kawa man ka thaw sumaar kawa pait ya kiwa boon ki chnong ka thaaiñ kawa da em leh kiwa thiah kjut hadooh kiwa chim dawai dei miet, toh ka wym em bordiñ.
Da ong u leh wa kani ka CHC toh kawa hei por miet ka wym jooh em boriñ khamtam heipor wa slap ym jooh tikna i rukom yoh bordiñ.
Hajrong ini neiliang ka seiñ da beiñ ko yei rukom tkoh i krehkaam ka sorkar wow pynkrehkaam ya ki thaw sumaar hadooh wa da thap thiah kjut hei doom najrong wym em de ki laad pynmih bordiñ manda booh kam ka Backup Generator wei lada jia wa hap sumaar daw hap u leh hei doom.
Ka seiñ da pynkynmoo ko leh wa da dep ko wow ujor cha u DM&HO ka West Jaiñtia ha u snem wa dadep hajrong ini tangwa hadooh katni ym pu em yoo kiyi kiyi ki dak ki chin wa leh iyi iyi hajrong ini.
Kani ka CHC toh kawa da wai haka 21-12-22 deiwa pynku kyrdan ka na ka PHC.
Discussion about this post