Jowai : Ha kani ka tayaw wa da dep kiwa yah truck yong ka Assam da maham ki u pynman i u yakhih (Strike) ha ka 11 wa 12 tarik uni u bnai neidaw wa joor ware i chah khrong poisa ki ha ki pulit hapoh ka jylla Meghalaya.
Tangwa hadien wa chimkhia ki SP yong ki District ka jylla da pyndam ya kani ka strike hadien wa dahun kiwa yah truck wa ym chah khrong poisa de ki.
Neiliang u SP ka West Jaintia Hills da chimkhia u leh yeini wei da e u ya ki number yong oo wa kiwi kiwa hapoh yong oo cha ki paidbah yow pyntip cha ki lada dang em kam ini i khrong poisa ki pulit.
Ynne ka sngi ka 18 tarik ha khmat ka Petrol Pump wa em ha Tahkhniang ha chwa u poi ha Kongong (manda lai na Jowai cha Lad Rymbai) ki pulit ka East Jaiñtia Hills da pynsangeh kari ki yow pait ya ki kot ki sla kari kamai kam ki Sumo, Van, Bus wa ki truck.
Ha ini i pynsangeh kari da chem wa em ki pulit wa khrong poisa na ki truck. Kiwa boon ki truck hadien wa phah sangeh ya ki; da pyllait u lai ki khlem pait ya ki kot ki hadien wa su poisa ki cha ki pulit.
Heini ha wah ye phi u pait ya ini i video wa tbian wa pynsakhiat ya waroh ini.
[youtube id=”jQtjPz2yYsc” align=”center” mode=”normal” autoplay=”no” maxwidth=”1170 px”]
Discussion about this post