Jowai : Ha chnong Thangbuli ynne ka sngi lyngba ka office yong ka SDO Amlarem hei yatoh waka World Environment Day da leh warom ko ya ka rymaw lyngba i thung dieñ.
Ha kani ka programme da yoh yei klam na ka J. Kharpuri (MCS) Amlarem da yoh i klam na u S. Shullai u Ranger Forest Officer Social Forestry Amlarem wa kiwi kiwi.
Da klam wa kammon u sumaar yaki soodong ki tawiar ki takan, wei i chah ktah lada duna ki dieñ ki siej ha tawiar yong ki.
Da yoh leh i klam na u stat næ u Resource Person na office yong u BDO Amlarem.
Ha kani ka sngi da saam 25 tylli ki tre dien cha ka chnong Thangbuli 25 tylli cha Umladkhur wei kamwa 150 tylli cha ka Raij Buam.
Hadien ka programme ki khynnah skur na Thangbuli, Umladkhur, Jarain ryngkat ki sahep (Officer), kiwa sikai wa kiwa chong chnong da lai ki yow thung yaki 150 tylli ki tre dieñ ha i thaw yong ka Raij Buam wa kiwi kiwi.
Hakani ka sngi da thung leh yaku 150 tylli ki Orchid haka wi naki khloo ka Raij Buam kiwa da e sñiawbha daka EFC Basin Amlarem block cha ka Raij Buam Environmental Protection Association.
Discussion about this post