Dang ran u pood u ang ka West Jaiñtia Hills kat dang mih ki snem

Jowai : Katkam wa man u pood ka West Jaiñtia Hills ha u sarok NH 44 (Shillong Jowai Road) u sdang u nadooh najan ka thaw tylliat moo (stone crusher) wa em ha khappood wa ka Puriang wa ka Mookyndur/Moodymmai.

U sarok nadooh neini kamwa 100 metre man u leh kam u Protocol Road iwa mut u kylliang kaam ki pulit ka East Khasi Hills wa ka West Jaiñtia Hills manda em ki heh ki haaiñ (VIP) hawa lai luti ki na uni u sarok.

Da ong wa nachwa jooh em ka Signboard hajan kani ka crusher kawa pdiang ya ki bru cha ka Jaiñtia Hills (Chwa wow phiah ya ka ha ki ar bynta).

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Katni won ka signboard kawa da booh da ka tnat PWD wow pynyoo ya u pood u ang ka West Jaiñtia Hills da pynran ya ka cha dien bha, wei kamwa man katni kani ka signboard leh da sah sadu ki nar donhi.

Da jooh booh leh ya u mot ha ini i thaw wa em kani ka signboard tangwa ha ki snem 2008-09 uni u mot khyndawbilat da chah tympiah u.

Katkam wa man katni boon ki bru da pyrkhat bait ki wa u pood ka West Jaiñtia Hills sdang u nadooh nawa em ka Khilon wa da thoh Welcome to Jaiñtia Hills, kawa em ha Mookyndur.

Hei yatoh weini i ran dien u pood ka West Jaiñtia, da yoh u yaklam wa u Executive Engineer ka Jowai Central Division, u ma Sainia Kyndiah da ong u ym slem de neini daw booh ya ka Signboard pyn najan crusher, heithaw wa jooh em ko nadooh nachwa.