Dang sah ka sorkar hei doom yeiwa pynhær Drone ki chipai Bangladesh ha khappood

Ka sorkar jylla dang sah ko hei doom hajrong i pynhær Drone Camera ha suiñ da ki chipai Bangladesh ha u Kmaichonglad (Dec) 2024.

Ha u Kmaichonglad u snem wa dadep, ki paidbah da yoo ki ya ki Drone wa da suba pynhær da ki chipai Bangladesh. Nyngkong ya uni u Drone da yoo ha ki bynta yong ka Shella wa Sohra hapoh East Khasi Hills, wei hadien kattu katni sngi da pyntip leh wa da yoo ya ki jooh ki jait Drone ha ka thaaiñ Mawkyrwat, South West Khasi Hills.

Hawa klam wa ki laad pathai khubor, u Chief Secretary ka jylla, u DP Wahlang da ong u wa da tip donhi yeini wa em kiwa yoo ya u Drone wa hær ha ki bynta yong ka jylla Meghalaya kiwa em marjan wa u pood Bangladesh, tangwa hadooh katni ym pu tip iyi i daw wa da pynhær ya u Drone cha kani ka jylla.

Da ong u wa hadooh katni dang em i thooh bniah hajrong ini i yoo ya u Drone wei daw ye u pyntip hadien yei daw.

Related posts

Yap uwi hadien wa tyrrah ka Truck ya kawi won hadooh wa kylla ha u NH6

October 12, 2026

Deiwa bood ki luti ki warim lai kjat ka Tuber Kmai Chnong cha Iawmusiang | Da thied leh ki mar yow pynku ya ka yaaw

October 12, 2026

Ha iwi i liang, u Chief Secretary da ong u wa kamwa man kattæ, ym em iwon iwon i jia ha khappood Meghalaya wa Bangladesh, wei pyntip u leh wa em i ya krehlang hapyrdi ki BSF wa ki pulit ka jylla yow pyntikna wa chngaaiñ ha khappood.

Hawa kylli, u DP Wahlang da khana u wa kamwa man kattæ ym em iwon iwon i pyntip wa em ki bru na Bangladesh kiwa psiah pyrchah aiñ cha kani ka jylla.