15 49.0138 8.38624 1 0 4000 1 https://wyrta.com 300 0

Dang sahteiñ i e rai ka yung bichaar ya kiwa dooh khih kam kiwa sikai skur

0 Comments
Advertisement ad1

Shillong: Ka Yungbichaar ka Meghalaya High Court da rah sngi biang ko wow bichaar ya ki kaam thungkreh wa sikai Lower Primary 2009-10 hapoh ka tnat puræ puthi ka jylla ha ka 5 tarik u Naisan.

Ya kani da pyntip da u muktiar neibynta kiwa ujor pyrchah ya ka sorkar u F.M. Quereshi ynne ka sngi hadien i chong bichaar ko.

Advertisement ad1

U Quereshi da ong u wa ka Kasari ynne ka sngi da elaad ko ya waroh kiwa yakhun kiwa chah pyndooh yei hok yong ki wow ujor biang ki ha kani ka yung bichaar hei yatoh wa ini.

Katkam ka kaiphod ka High Level Scrutiny Committee (HLSC) ka sorkar ym em u bood ko yei rukom thungkreh wa thymme ya kiwa sikai Assistant Teacher ha ki skur Lower Primary.

Ya kani ka kaam da pynkit ha ka HLSC wei da khlieh da u E.P. Kharbhih kam u Chairman wa u CCM Mihsil wa u P. Ryngksai kam ki dkhot wei da li e ki ya ka kahipod cha ka sorkar ha u Naitung 2013.

Ya kani ka High Level Security Committee da seiñ da ka yungbichaar yong ka High Court kawa da phah ya ka kawa da chem da ka CBI kawa da pynmih leh yei pyrtuid ka Ampareen Lyngdoh wa kiwi kkwi kiwa emkti hei wow biah sia lieh ya ki marks kiwa toh hok u yoh yei khih yong ki.

Kani ka HLSC da bichaar ki ya ki kot ki sla na ki san tylli ki thaw yaleh exam wa kynthup ya ka Tura, Dadenggre, Shillong, Jowai wa Amlarem.

Katkam ka ujor em hadooh kamwa 268 kiwa thung kreh ha ki san tylli ki centre wa 101 ngut kiwa biang ki pass hok.

Ki Candidate kiwa thung sialieh ha Tura em ki 23, Dadenggre 54 ngut, Shillong 60 ngut, Amlarem 38 ngut katwa ha Jowai won 93 ngut.

Ka HSLC da ong ko wa ki marks kiwa e ha ka Interview man ki kiwa thurmur khlem da bood ya ki kyndon ka sorkar katkam wa pynbna ha ka 24 tarik Khonchonlad, 2008.

Advertisement ad1

0 Comments

Leave a Reply