Neiliang u GK Iangrai, AIGP(A) ki pulit ha Meghalaya da pyntip u wa na ki 6 ngut kiwa yap ha i jia ha thaw thih moo, da ye wow tip yei pyrtuid yong ki 5 ngut wei yei metyap da kit cha ka Khliehriat CHC yow leh ya iwa emkaam.
Da pyntip u leh wa da dep wow booh yaka takit (Criminal Case) ha ka Khliehriat Police Station wei ka takit dang lai ko chakhmat yow thooh ya u tre paar moo kamjooh u Manager kani ka thaw tih moo uwa da yut rieh nadooh wa jia ini.
Chooh chooh da pyntip u wa haka 21 tarik uni u bnai mar ya tip ki pulit wa em ini i jia ha i thaw wa tip kam i Sorkari hajan i chnong Dienshalu, ki pulit ka East Jaiñtia Hills da lai ki wut wut cha ini i thaw heiwa da chem ya 6 tylli ki metyap ha ini i thaw hajan i thaw tih moo wei katkam ka takit nyngkong da chem toh wa da jia ini neidaw wa sih ka kor wa pynemkaam heiwa da dooh yei mynsien ki 6 ngut.
Neiliang ka yung krehkaam u District Disaster Management Office deilang wa ki heh ka State Disaster Management Office da leh ki ya iwa emkaam heiwa ym em da chem ki wa dang em chooh kiwa yap napoh ka thaw tih moo.
Da dep leh wow pyntip cha kiwa hayung hasem yong ki 5 ngut kiwa khlaad kiwa da ye u tipmit.
