15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Dang yang ka sorkar jylla ya ka bui na NEHU heiyatoh wa i man ki dakha wa wan na baar jylla ki wym hoi u baam: Comingone Ymbon

0 Comments

Shillong: Ka tnat ri dakha ka jylla dang yang ko wow yoh ya ka bui hajrong i poor ki khubor wa ki dakha wa wanrah na baar jylla ym man ki kiwa miat neibhah wa da inject dawai Formalin ya ki, wei ini i dawai ktah joor i ya i chait i khiah ki bru wa baam ya ki.

Ini i rukom dung dawai ya ki dakha da ini i dawai toh wow pynneh ya ki yow lait ki u pyud heipor wa chalan ya ki cha kiwi tawon ki thaw.

Advertisement ad1

Hawa yaklam wa u montri kani ka tnat, u Comingone Ymbon da ong u wa hadien wa da yoh ya ka khubor wa da em i khang wow wanrah ya ki dakha na baar kam ha jylla Assam wa kiwi kiwi ki jylla, ka sorkar jylla da phah ko ya ka tnat wow sylli wei wow takit bniah ko ya ki dakha khnang wow chem yeiwa sakhiat.

Da ong u leh wa da phah test ya ki dakha ha ka laboratory kawa em ha NEHU wei hadien wa yoh ya ka bui, ka sorkar daw leh ko yeiwa emkaam.

Heijooh i por da ong u wa hadooh katni ka sorkar ympu em khang ko wow wanrah ya ki dakha na baar heiwa da pynrap u leh wa ki paidbah ka jylla ymtoh u tieñ ki wow baam dakha neibhah wa ympu tip yeiwa sakhiat.

Chooh chooh da ong u wa ka tnat ym slem de daw pynkrehkaam noh ko ya ka Aquaculture Mission, Version-II, dei thmu wow pynboon ya ki thaw psan ya ki symbe dakha neibhah wa hadooh katni ki dakha wa wanrah heini toh kiwa na baar jylla bait.

Previous
Next

0 Comments

Leave a Reply