U Deputy Chief Minister, u Prestone Tynsong ynne da pyntip u wa ka National Highways Authority of India (NHAI) da pynkhreh ko ya ki yingkieñ kjat kam chibynta wow lait nei chlai-um u sarokbah NH-6 wei dang yang wow yohbor na ka Ministry of Road Transport and Highways (MoRTH).
Yeini da jubab u yeiwa kylli u MLA ka NPP, u Dr. Celestine Lyngdoh, uwa da kylli lada ka sorkar thmu ko wow chna yingkieñ ha Byrnihat, Nongpoh wa Umsning lada ka Ministry ym e poisa ko.
U Prestone da ong u wa u sarok na Jorabat–Lad Umroi toh u yong ka NHAI wei da chong boon tylli ki yalang heiyatoh wa ini heiwa da e kti ya ka yukheiñ da ka NHAI wei dang yang sa ya ka MoRTH donhi.
Heiyatoh wa ka laad ha Umsning Bypass, da ong u wa lada ym yoh poisa na ka MoRTH daw pyrkhat won deiwi.
Heiyatoh wa iwa kylli u MLA ka Mawlai, u Brightstarwell Marbaniang ya u sarok na Mawiong cha yingkieñ Umsohlang, u Prestone da ong u wa daw pyrkhat yeini.
Discussion about this post