Jowai : Haka miet 31 tarik u kmaichonglad da pynemwarom yei dap 10 snem pura ka chnong Salaroh kawa da seiñ nadooh ka 22 tarik u Naitung 2005.
Ha kani ka sngi pynemwarom da wan sakhi lang u Dy.CEM ka JHADC A. A.Shulai, u Additiional Deputy Comissioner ma S.C.Laloo wa kiwi kiwi.
Katkam ka parom watbian yong kani ka chnong da khana wada seiñ yaka haka 22 tarik u Naitung 2005, da khana haroh ki wa mynchwa kani ka chnong hap ko hapoh u pood ka chnong Dongmihsngi kamjooh hapoh i pait i yoo yong ka, tæ kat danglai ki por kani ka dong da heh ko heiwa ka Dongmihsngi leh da rap jynjar ko u pait u yoo yei eh i khoo hapoh kani ka chnong, katwa kamtæ dei ya sniawthooh lang da phiah noh yaka Salaroh yow hap ko hei yong ka hi i pynlai weiwa da e pyrtuid leh ya kani ka chnong lyngba u soh Salaroh.
Ha kani ka sngi neiliang ka chnong da e khublei ko ya kitu ki bru wa mihkhmat wa ki bru samen kiwa da e sniawbha nei bynta i roi i par ka chnong, da pyntip leh wa yaka constitution ka chnong da chna haka 3 Naiynru 2006.
U ma Andrew Shullai hawa klam kam u kongsan da e khublei u yaka dong Salaroh wa da kynjoh ko chei rta wa 10 snem, heijooh i por kitbok kitrwiang u yow nangroi nangpar ko kat nanglai ki sngi ki por heiliang waroh, kyntu haroh u, u em ka mynsien yakrehlang nei bynta i bha i miat ka chnong.
Ha kani ka sngi neiliang ki waheh dong da pyntipmit paidbah haroh ki yaki dkhot wa thymme ka dong. Yaki ktien e khublei da e da u ma Starly Siangbud.
Hadien wa da kut ka yalang pynem warom da em won i iakop chad, rwai wada chim bynta daki khon ka chnong.
Discussion about this post