Ynne ka 16 tarik da dep chi snem thij nadooh wa sdang e tika yada COVID-19 hapoh ka ri India heiwa da dep e palat 156.76 klur sien i tika cha kiwa chong chnong ka ri iwa katkam wa kheiñ ka sorkar da em 92% kiwa da yoh tika chisien wa 68% kiwa da yoh tika la arsien.
Heiyatoh wa kani ka sngi neiliang u Prime Minister Narendra Modi da e khublei u cha waroh kiwa chong chnong ka ri deiwa yaroh ya ki Doctor, ki Nurse wa ki wakreh hei chait i khiah kiwa da embynta ha ini i e tika.
Da ong u leh wa i e tika da pynkhlan ko leh yei ye wow yaleh pyrchah ya ka khlam COVID-19.
Kam wow pynkynmoo wa ha 16 tarik uni u bnai ha u 2021 da sdang yei e tika du ya kitu kiwa kreh hei chait i khiah wei ha ka 2 tarik u Thohlakhmi (Feb) 2021 da sdang won ya kitu kiwa em hakhmat wow leh pyrchah ya ka khlam kiwa tip kam ki Frontline Worker.
Ha ka 1 tarik (Wisu) 2021 da sdang wow e tika ya kitu kiwa em 60 snem chaneiñ wa kitu kiwa em 45 snem chaneiñ kiwa da em chwa yei chitom. Wei da pynbood sa kiwa 18 snem chaneiñ ha ka 1 tarik u Naisan 2021.
Ha uni u snem nadooh 3 tarik uni u bnai da e tika ya kiwa em 15-18 snem i rta wei nadooh ka 10 tarik uni u bnai da e leh yei tika pynkhlan yei yada.
Ha ini i e tika hapoh 9 bnai da e 100 klur sien wei da em leh chisien wa da e chi sngi 2.51 klur sien wei boon sien da tam 1 klur chi sngi.
Cha u moomær wa 150 klur sien i e tika da poi ha ka 7 tarik uni u bnai.
Da em leh 12 tylli ki jylla wa da em 100% kiwa da yoh tika chisien.