theme-sticky-logo-alt
theme-logo-alt
Advertisement ad1

Dapoi 98% kiwa da chait ha Meghalaya

Kiwa dang yoh COVID-19 ha Meghalaya da em biang ki hapoh 50 ngut la 16 sngi, hapoh 100 ngut la 63 sngi wa hapoh 200 ngut la 79 sngi heiwa ynne ka sngi da boon biang da kiwa dang chait ya kiwa dang yoh la le sngi.

Kiwa dang yoh ynne ka 10 tarik da em ki 21 ngut, kiwa dang chait 23 ngut wei ym em kiwa dang yap.

Kiwa dang yoh toh ha East Khasi Hills (15), East Jaiñtia Hills (02), West Khasi Hills (02), West Garo Hills (01) wa ha West Jaiñtia Hills (01).

Kiwa dang chait toh ha East Khasi Hills (19), East Garo Hills (02), West Garo Hills (01) wa ha West Jaiñtia Hills (01).

Ki District wa boon dooh kiwa dang chah ktah toh ha East Khasi Hills (190).

Ki District wa duna dooh kiwa dang chah ktah toh ha North Garo Hills (00), South West Garo Hills (00), South West Khasi Hills (00), South Garo Hills (01), West Jaiñtia Hills (02), Ri-Bhoi (03), East Jaiñtia Hills (04), West Garo Hills (04), East Garo Hills (06) wa ha West Khasi Hills (06).

Waroh kiwa da chait da em ki 98.00% kiwa em 82,972 ngut, kiwa dang chah ktah da em ki 0.25% kiwa em 216 ngut, kiwa yap 1.74% kiwa em 1476 ngut, deilang dapoi 84,644 ngut kiwa da dep yoh ya uni u khñiang hapoh ka jylla.

Kiwa dang yoh, kiwa dang chait wa kiwa dang chah ktah wa kiwi man ki kamni ha wah:

Share this:
Previous

Thoh ka HITO cha u DMHO wa pynslem thung wakreh ANM wa lait 17 tylli ha West Jaiñtia

Next

Chisien don booh mooyurim u Lahkmen ya le tylli ki skur waka Mupyut Water Supply Scheme