Dapoi ka synduk wow kyrriah ya ki Blai Hindu hadien wa da dep pynngam um

Jowai : Kam chibynta wow pynman ya ka Wah Myntdu ka wow man kawa khooid wa jngiar, ki bor district hapoh i yahkhmat u DC ka WJH chirup wei yakrehlang wa ka Jowai Puja Committee da rai wa hadien wa pynngam um ya ki Blai hadien wa kut ka puja ym ieh ya ki ha ka wah Myntdu kamwa jooh man khlieh u snem.

Ha uni u snem manda dep pynngam um ya ki blai ha wah Myntdu du hadien kattu katni por u kyrriah noh ya ki ha ka synduk tin kawa da chna kyrpang kawa heh kamwa 8x8x4 phut kawa em leh i thaw wow pyllait ya ka um na kani ka synduk.

Neilianu DC ka WJH u Arunkumar Kembhavi da ong u wa hadien wa da pynyait ya ki blai heini, daw kyrriah noh ya ki na ka synduk wei daw libooh noh ya ki cha kiwi ki thaw.

Ya kani ka synduk da pyllut kamwa T. 50,000 wei da pyllut ya ka lyngba ka scheme Chief Minister’s Youth for Green Campaign.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Kani ka synduk wa da chna kyrpang da pynpoi ya ka ynne ka sngi cha Jowai heiwa daw libooh ya ka cha Treriat hajan i thaw wow pynngam um ya ki Blai Hindu ha ka 11 tarik uni u bnai.

Also Read : Da rai wym noh de ya ki blai Hindu ha wah Myntdu kam ka laad wow yada ya ka wah