15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ka yakhun final wow rah yei naam 6th Chatister Kharkongor Memorial Trophy

0 Comments

Jowai : Ka yaleh final ka 1st Division kawa tip leh kam ka 6th Chatister Kharkongor Memorial Trophy da poi ko cha wa kut ynne ka sngi heiwa da yaknieh yei naam jop ha pyrdi ka 7 Wasa wa ka Demthring.

Kiwa boon hi da yooluti ki wa u jop ka 7 Wasa tangwa ka Demthring ym em e laad ko yeini heiwa ha ka kylla step ka Demthring da thap ko ar tylli ki kool ha ka minit wa 27 lyngba u Primrose Lamat wa ha ka minit wa 37 lyngba u Spain Ryngkhlem katwa ka 7 Wasa da yoh ko u thap du chi kool donhi ha ka minit wa 12 lyngba u Pynishai Lathong. Kamtæ ka kylla step da kut ko 2-1.

Advertisement ad1

Ha ka kylla miet ka 7 Wasa da yoh ko u thap sa ka wi ka kool ha ka minit wa 46 da u Blessing Pamthied wei da yoh ko leh ya ar tylli ki penalty ha ka minit wa 66 wa 69 wa thap da u Felixson Bang wa u Chandra Pakyntein tangwa ka Demthring ym em ieh jem ko wei da su biang ko sa chi kool ha ka minit wa 78 lyngba u Kyrkhu Ryngkhlem wei kani man ko ka kool wa khaddooh ha kani ka yalehke.

Kamtæ ka 7 Wasa da jop ko da 4-3 wei ha kani ka kynti ym em rem ko tang chisien leh.

Ha kani ka sngi da saam leh ya ka khusnaam Top Scorer cha u Felixson Bang, Best Goalkeeper cha u Kitbok Laloo, Man of the match cha u Blessing Pamthied waroh le ngut na ka 7 Wasa katwa ya u Player of the Tournament won da yoh da u Primrose Lamat yong ka Demthring.

1divfinal8

1divfinal9

1divfinal3

1divfinal4

1divfinal5

1divfinal6

1divfinal7

Share this:
Previous

Chongchit wei phooh ka sngi nyngkong ka lehniam Durga Puja

Next

Dapoi ka synduk wow kyrriah ya ki Blai Hindu hadien wa da dep pynngam um

0 Comments

Leave a Reply