Jowai: Heiyatoh wa i jia wa chah kset ki 13 ngut hapoh i krem mooyong nadooh ynnin i sngi ha Ksan, hajan ka wah Leteiñ, East Jaiñtia Hills i pyrchang wow pynlait ya ki dang pteiñ i hadooh kattæ.
Hei yaklam wa u SP ka District, u S Nongtnger da pyntip u wa ynnin i miet da wan ki bru na ka State Disaster Relief Force (SDRF) wow yarap pynlait ya kini ki 13 ngut.
Chooh chooh da pyntip u wa ynne i step heipor kamwa 4:00 waje da wan sa ki bru ka National Disaster Relief Force (NDRF) ha kani ka thaw wa jia.
Heijooh i por da pyntip u wa katkam wa man dang thooh kor chooh chooh wow sai (pump) ya ka um napoh ka krem khnang wow ye u pynlait ya kini kiwa hapoh krem.
Hadooh wa pynmih ya kani ka khubor ympu em u yoh u pynlait ya uwon uwon napoh kani ka krem.
Discussion about this post