15 49.0138 8.38624 1 0 4000 1 https://wyrta.com 300 0

Daw sam Award ka kur Soo Kpoh Khad-ar Wyrnai ya ki khon ka kur haka dorbar bah

0 Comments
Advertisement ad1

Jowai: Ka Kur Soo Kpoh Khad-Ar Wyrnai, Jowai kamwa jooh leh ko man u snem, daw pynman ko yaka Dorbar Bah ka Kur haka 15 tarik uni u bnai heipor 12 waje pyrdi sngi ha yung ka Kur ha Chilliangraij, Jowai.

Ha kani ka sngi daw em leh i e khusnam (Award) ya ki khon ka kur kiwa poi haki kyrdan waphær waphær ha ki purae puthi ka yong ki wei ha uni u snem da em kamwa 20 ngut ki wow yoh ya kani ka Award (kawa da pynkhreh lyngba ka Education Branch ka kur).

Advertisement ad1

Ha kani ka sngi leh daw em ki program waphær waphær kiwa ki khon ka kur daw e ki, nadooh ka chaad, ka rwai ka siaw, i pynlait ya ka Calendar ka kur wa kiwi kiwi ki jait ki wow pyn chongchit wow pynyajan yei sniaw ki para kur.

I thmu yong kani ka yalang toh neibynta wow ya jan ki para kur kiwa em kylleiñ ki thaw ha kawa chisien chi snem yow ya chemlang ki ha Yung Kur yow em i sniaw para i dei wow tipmit ki iwi yei wi.

Lyngba kani ka wyrta, da kyntu ya waroh ki khon ka kur kiwa em ha kylleiñ ki thaw wow sniawbha ki wow pyllait chynnam yei por wa kordor yong phi hei wow ya emlang wa ka kur ha ka tai ka sngi neibynta wow phooh wow pheiñ ka kur kamjooh yow em i sniaw chi payu para ha pyrdi ka kur.

Ini toh katkam wa pyntip u Lamwan Paswet, General Secretary ka Kur Soo Kpoh Khad-Ar Wyrnai, Jowai.

Advertisement ad1

0 Comments

Leave a Reply