U President Donald Trump da pynbna u wa ka USA da dat Bomb ko ya le tylli ki thaw wa man kam ki Nuclear Sites ka Iran wei da pra ki phrai.
Ka Israel da ong ko wa da ya krehlang ko waka USA wow pynkhreh yei lai dat Bomb wei ka Iran leh da pyntikna ko yeini tangwa da ong ko wym em da chah ktah ware kini ki thaw.
Ini kattu ye i wow rap pynheh i ya ini i kynaad hapyrdi ka Iran wa Israel tangwa u Trump won da ong u wa kattu da toh i por wow yasuk noh.
Ki le tylli ki thaw wa da chah dat Bomb toh ka Fordo, Natanz wa Isfahan heiwa ka Fordo toh kawa man kam ka Uranium Enrichment Plant kawa em harood ki loom wa heh tangwa ym pu tip hadooh katwon chah ktah kani ka thaw.
Kani ka Fordo Nuclear Site toh kawa em chapoh khyndaw wei da ngait wa yillu ko palat ya ka Tunnel wa pynyabi ya ka UK wa ka France, kamtæ ka US da pynmem ko da ki Bunker Buster Bomb kiwa khia 13,000 Kg kiwa ye wow psiah chapoh khyndaw hadooh 60ft lada i thaw wa da chna toh dei khyndaw-bilat wei lada dei khyndaw won ye wow psiah hadooh 200ft chwa u pdung u.
Discussion about this post