Dat ka kynthai ya uwi u bru hadooh wa poi chei yap ha Iawmusiang

Katkam ka FIR wa da booh ynne da ka diah uwa da khlaad noh, da ong wa da yap u payu ko hadien wa chah dat ha kawi ka bru ha Iawmusiang, Jowai iwa da jia ha ka 9 tarik uni u bnai.

Uwa khlaad toh uwa tip kam u Jura Shylla (64 snem) uwa na chnong Chyrmang Wah, West Jaiñtia Hills.

Neiliang ka diah u Jura da pyntip ko wa da khlaad syndet u ha yung wa sah u ha chnong hi u heipor kamwa 9:30 i miet wei da wan kit noh ki pulit yei met cha Jowai Civil Hospital, Ialong.

Da ong wa ha katai ka sngi ka 9 tarik heipor kamwa 5:00 waje i janmiet heipor wa em ko hei thaw kreh, da khyrngiat ko wow yoh Phone wa u payu ko da em u ha Jowai Police Station wei dapoi ki heini heipor kamwa 7:15 i janmiet wei da chem wa dadep chah sumaar u payu ko ha Jowai Civil Hospital wei da e kti ya oo da ki pulit heiwa da kit ki oo cha yung heipor kamwa 8:30 tangwa du hapoh chi kynta da khlaad noh u.

Katkam wa pyntip cha ki da ki pulit kamjooh kiwa sakhi, u Jura da chah dat u ha kawi ka kynthai kawa tip kam ka Niawki Chyrmang kawa na Khliehtyrchi wei ini da jia i heipor kamwa 3:00 waje i sngi hajan Stand Nangbah ha Iawmusiang heiwa da mynsoo i bynta i khlieh u deiwa da chah bok cha kyrtem u wei da kit ki pulit ya oo cha Jowai Civil Hospital yow yoh sumaar.

Da pyntip leh wa katai ka kynthai da tooh ko ya ka poisa wa Mobile Phone u Jura.

Related posts

Na Tluh yoh ki pulit ka East Jaiñtia ya ka kari wa chah thooh na Mizoram kawa tyrwa dai ha Facebook

January 12, 2026

Yoh kem ki pulit ya uwa dai Drugs ha Soo Kilo

January 9, 2026

Ynne i step won hadien wa pyndep ya ka Post-Mortem da chimkti kiwa ha-yung ha-sem yei metyap.

Kamtæ da kyntu ki ya ki pulit wow leh ki yeiwa emkaam yow yoh yei hok yong u Jura Shylla.