I yañia nei muaid dapoi i chei sñiawsih hapyrdi ki chi kurim heiwa kawi ka bru da dat ko ya u kurim da u dieñ hadooh wa yap u ha Ambedkar Nagar ka Uttar Pradesh ha ka 4 tarik uni u bnai.
Ya uwa yap da tip kam u Housla Prasad (70 snem), uwa jooh kreh ha ka chnat Railway wei da yap u ha yung heipor wa ya awri u wa ka kurim u.
Ki pulit da kem ki ya ka Sangeeta, wei da Register leh ya ka Case tynyap bru pyrchah ya ka.
Ki pulit da ong ki wa kini ki chi kurim da yañia ki katwa dang dih kiad ki chirup wei ka Sangeeta nei chrai da chim ko da u dieñ wow dat ya u Prasad na khlieh hadooh wa yap.
I Video yong ini iwa jia da mih i ha Social Media heiwa da yoo wa dat ka Sangeeta ya u Prasad.
U khon waheh u Prasad, u Atul da khana u wa u pa u da chong-ngiah u la chiphaw snem wei em ki soo ngut chi payu u Atul, u Varun, u Tarun wa ka Anita.
Ka kurim nyngkong u Prasad, ka Dulari Devi da yap ko 9 snem nachwa wei hadien da bia u wa ka Sangeeta wei da sah wai ki chirup ha Mohsinpur Mansoorpur.
Ha kani ka 4 tarik kawa man leh ka Holi, u Prasad da paan poisa u na ka Sangeeta wow thied kiad chooh, ka Sangeeta kawa da muaid chwa da chrai ko heiwa da mih i yañia wei da chim ko da u dieñ wow dat oo hawa yap.
Neiliang u Station House Officer, u Srinivas Pandey da pyntikna u yeini wa jia.
Discussion about this post