Dat u IAS ya kiwa kreh ka Airtel neidaw wym poi u WiFi tang ha kamra thiah u

Ar ngut ki bru kiwa kreh ya ka Airtel kiwa lai pyndait ya u Airtel Fibre da pynbaad ki wa da chah dat ki ha u uwi u sahep sorkar wa man kam u IAS uwa tip kam u Aman Mittal deilang wa u payu u uwa tip kam u Devesh Mittal wei da yarap wow dat ki deilang wa soo ngut won ki Security Guard kiwa yang sonteri ya ka yung wa sah ki.

Ini da jia i ha Navi Mumbai haka janmiet ka 30 tarik u Kmaichonglad (Dec) hadien kini ki chi payu da ood ki wym em miat u Internet Router wa da e ka Airtel u wym poi ka WiFi Signal tang ha kamra thiah ki hadien wa dang dep pyndait wot oo.

Kamtæ neiliang ka Airtel da phah biang ko sa ar ngut ki bru wow lai cha ini i thaw wa sah kini ki bru heiwa da mih i yania wei ya awri hapydi kini ki ar ngut chi payu wa kini ki ar ngut kiwa kreh ka Airtel heiwa u Aman Mittal deilang wa u Devesh Mittal da sdang ki wow dat ya kini kiwa kreh ka Airtel da u Pipe wa ki dieñ wei da wan dat leh sa ki Security Guard kani ka yung wa sah ki.

Yeini waroh da yoh leh wow riñ da ki CCTV wa da pyndait ha lait kani ka yung.

Related posts

Pteiñ i chah tooh ki thuk-thuk ha kylleiñ ka Meghalaya

December 16, 2024

Chah tooh sa kawi ka thuk-thuk ha Jowai

December 15, 2024

Kini kiwa kreh ka Airtel wa tip kam u Sagar Mandhre wa u Bhusan Gujar da e FIR ki pyrchah ya kini ki chi payu.

Tangwa chwa u e FIR ki, neiliang u IAS da Phone u ya ki pulit ka Rabale Police Station heiwa ki pulit da rah ki ya kini kiwa kreh ka Airtel cha thanat.

Neiliang ki pulit da Register Case ki pyrchah ya u IAS wa u payu u kamjooh leh pyrchah ya ki soo ngut ki Security Guard hapoh ka IPC ki kyndon wa ong wa pynmynsoo ya ki bru da ki tiar ki tar.

Neiliang won u IAS leh da ujor kylla u deiwa ong wa kini kiwa kreh ka Airtel da sdang nyngkong ki wow dat oo da u Router wei ki pulit leh da Register ki da ka Case pyrchah ya kini kiwa kreh ka Airtel.

Uni u IAS toh kawa man kam u Deputy Secretary hapoh ka Maharashtra Water Supply & Sanitation Department.