Shillong: Hadien wa da yoh chiboon ki ujor na ki Contractor wa duna ki mar chna yung chna sem (Construction Materials) khamtam ki moo, ki mooria wa kiwi kiwi iwa da pynslem wow pyndep ya kiwa boon ki kreh hapoh West Garo Hills, neiliang u Deputy Commissioner ka district, u Ram Singh da yachem u wa waroh kiwa chah ktah ha DRDA Conference Hall, Tura ynnin wow pynbait yeini i duna waroh.
Ha kani ka yachem neiliang ki tre paar moo da pyntip ki wa i rukom wow yoh License wow tih moo iwa da chah pynslem ha kiwa boon ki yung krehkaam katwa kamtæ ini da pynslem i ya ki wow ye ki u tih moo.
Neiliang u DC da pyntip u wa ka District Administration chirup wa u Superintendent of Police, District Mineral Resources wa ki sahep ka tnat Forest hapoh ka District daw yaleh ki wow booh ya ka Single Window Agency wow pynsmat wow e ya ki License wow tih moo cha ki tre paar wa kiwa tih moo, tangwa emkaam wow kreh ki deiwa bood leh ya ki kyndon ka Meghalaya Minor Mineral Concession Rules. Chooh chooh heiyatoh wa ka dan wa arsien wa chah ah ki da ki tnat, neiliang u DC da kular u wow booddien yeini wa ki tnat wa emkaam.
U Deputy Commissioner da hukum u leh ya waroh ki sahep ka PWD (Roads) wa pait ya ka PMGSY wow pyndep ya waroh i chna ya ki sarok PMGSY mar ya pyndap ya kini ki mar wa duna. Da phah u leh ya waroh ki tre paar moo wow pynbiang ya kini ki mar (moo) cha ki Contractor wa kiwi kiwa emkaam hapoh ka District heiwa da phah leh ya ki tre paar wow booh Signboard hajan ki paar moo yong ki.
Kamwa da kyntu ki tre paar, neiliang u Superintendent of Police, West Garo Hills da kular u wow leh ya ka Night Patrolling ha ki khappood wei wow booh ya ki CCTV Camera wow pait ya ki kaam wa man pyrchah aiñ.
Neiliang u Assistant Conservator of Forest, u Sachin Gavade, da pyntip u wa katkam wa man katni ha waroh kawi ka District da em hadooh ynru tylli ki paar tih moo.
Discussion about this post