15 49.0138 8.38624 1 0 4000 1 https://wyrta.com 300 0

Daw chimkhia ka AJHSWO ya ki ar tylli ki Weigh Bridge hapoh Riloom Jaintia

0 Comments
Advertisement ad1

Jowai : Ka All Jaintia Hills Social Welfare Organisation (AJHSWO), kawi naki seiñ kreh monsñiawbha hapoh Riloom Jaintia hadien wada yoh yutip ko naki kattu katni ngut ki tre kari wa ki weighbridge kiwa em hapoh Riloom Jaintia, kiwa kynthup yaka 7 Mer Weighbridge Pasyih (NH-44) West Jaintia Hills District kawa pynlai daka kong Memjuliat Passah wa ka Ratacherra Weighbridge Designated Check / Exit Point East Jaintia Hills District (NH-44) katkam ka NGT Order Dated 14.05.2015 wada pynlai da u Badap Kupar Marbaniang kini pyn ar wym bood ki ya ki kyndon katkam wa phah ka tnat Transport.

Katkam ka jubab RTI da ong wa kini ki nong pynlai Weighbridge (Lessee) toh u pynbiang ki yei khia, Number ki Kari, tarik thaw yei khia ryngkat wei dor thaw khia wa da soi da u Enforcement Inspector wei heijooh i por haap e leh yaka Weightment Slip / Certificate cha kiwon kiwon ki kari namo ki wa yah kari lyngba kini ki Weighbridge weiwa iwa kongsan tam toh u booh ya ka signboard ha khmat ka weighbridge katkam ka  Notification NO.TPT.40/97.PART/27 dated 9th Dec 2009 (Meghalaya Installation Regulation Maintenance and operation of Weighbridge rule 2009) ryngkat wei dor bai thawkhia.

U President ka seiñ u R Biam da pyntip u wa ka seiñ daw chongpyrkhat bha ko yeini wei daw yachem ko leh wa u montri yong ka tnat Transport wa hajrong kawon ka nongrim, wa neiyi i daw wa ki kari kit mooyong ye u pynlai katkam ki kyndon wada booh daka sorkar wei da theh hi eh ya kiwa kit tam?

Heijooh i por u ma Biam da ong u leh wa yow lait na kitai ki eh waroh hapoh ka imlang sahlang ka seiñ daw pynkhreh ko da ka dorkhas cha u montri yong katai ka tnat neibynta i bha i miat ki pidbah wa ka imlang sahlang.

Advertisement ad1

0 Comments

Leave a Reply