Daw chna chooh ya ki Meghalaya House ha ki ar tylli ki sorbah ka ri

U Montri ka sorkar wa pait ya ka GAD, u Sosthenes Sohtun chirup wa ki sahep ka PWD Building da lai pait ki ya i yung wa dang dep thied wot ha Bangalore hei wow chna ya ka Meghalaya House heiwa da pait leh yei thaw ha Mumbai wa da thmu wow thied neibynta ka Meghalaya House.

Ha ini i lai ha Bengaluru wa Mumbai, ya u Sosthenes da synraan da u M. Nongpluh, Superintending Engineer, PWD (Building), kiwa kreh ki Meghalaya House wa kiwi kiwi.

Neiliang u Sosthenes hadien wa pait ya kini ki thaw da ong u wa i thmu ka sorkar toh wow pynjanai ya ki Meghalaya House khnang wa ki paidbah na ka jylla wa lai thooh dawai, lai puræ wa neibynta kiwi ki kaam u yoh ki u sah deiwa suk ha kini ki sorbah.

Chooh chooh da ong u wa ha Bengaluru daw myntoi bha ki khynnah wa ki khynroo ka Meghalaya kiwa lai puræ wa kamjooh kiwa lai yakhun kreh. 

Related posts

Da wai ya ka nyngkong dooh ka Automated Multilevel Car Park ka Meghalaya ha Shillong

February 6, 2026

Da kem ya ki ar ngut kiwa man kam ki tre ka paar mooyong wa em hadooh 18 ngut wa yap

February 6, 2026

Heiyatoh wa ka Mumbai, da ong u wa hadien wa chem ka sorkar wa ka Meghalaya House da man ko kawa dap bait da kiwa lai cha kani ka sorbah neibynta i sumaar wa kiwi kiwi, kani ka yung leh ym ye de ko wow pdiang ya ki deiwa kyllooid.

Da pyntip u wa dang yaklam wa ka sorkar Maharashtra neibynta ini i thaw ha Mumbai.

Neiliang ka chnat GAD daw sdang yaklam ko wa ka sorkar Maharashtra khnang wow yoh yei dor wa jem, i wow yarap ya ka sorkar Meghalaya u lai chaphrang wow chna sa kawi ka Meghalaya House ha kani ka jylla.