Daw chna luti rel noh napoh khyndaw ha Siliguri Corridor yow yada ya ka Northeast

Ka sorkar pyrdi da pynbna ko wow chna ya ka luti rel napoh khyndaw namo ka Underground Railway Lines ha Siliguri Corridor, kawa man ka thaw wa kongsan bha wa pynyabi ya ka Northeast wa ka India.

U Railway Minister, u Ashwini Vaishnaw da ong u wa yeini daw leh khnang wow pynkhlan yei khayi pateiñ kamjooh wow pynkhlan yei bor yada ka ri khamtam wa joor i kynaad hapyrdi ka India wa ka Bangladesh wa China.

Ka Siliguri Corridor ya kawa tip kam ka Chicken’s Neck Corridor, toh i thaw wa khian, iwa man du 17-22 Km i kmai iwa pynyabi ya ka Northeast wa ka India kamjooh leh em ko hapyrdi ki le ri, ka Bhutan, Nepal wa Bangladesh.

Kini ki luti wa em 2 tylli lyngba ka Siliguri Corridor u em ki kamwa 20–24m chapoh khyndaw.

Related posts

Pynman yakhih syndet ka JNC yow kyrsu thiah ya ka JHADC

February 5, 2026

Chah Hack ka Website ka Assam Congress du hapoh 24 kynta wa pynlait ya ka

February 5, 2026

Kani man ko leh kam chibynta ka ₹2.93 lak klur ka Rail Budget 2026–27, heiwa daw chna ya 6 tylli ki Railway Line Network yow pynskem ya kani ka thaw wa man u rdang wa da jooh maham bha kiwi ki ri wow ah næ wow ksih oo.

I man kyrpang ini i thaw man i hadooh kattæ wa u heh ka sorkar Bangladesh, u Muhammad Yunus da yah u ya ki heh ka China cha Teesta Project iwa em hajan ka Siliguri Corridor, wei u Yunus leh da jooh klam u wa deiwa tkut kani ka luti daw suk bha i kahyi ka ri u wa ka China.