E Contract ka NHAI cha kawi ka Company yow pait ya ki 7 tylli ki thaw wa khlan oor khyndaw ha u NH6

Ka Meghalaya High Court da phah ko ya ka National Highways Authority of India (NHAI) wow e dorkhat (Affidavit) wow pyntikna yei kreh ya u sarok Jowai-Ratacherra hapoh 24 tarik uni u bnai.

Kani ka hukum toh wa pynmih da ka miej bichaar ka Chief Justice, ka Revati Mohite Dere wa u Justice W Diengdoh ynnin ka sngi hawa bichaar biang ya ka mukotduma PIL wa ujor u (L) Kynjaimon Amse.

Ka NHAI da ong ko wa i kreh wa boon man i iwa dadep ha uni u sarok tangwa sah ha ki bynta wa oor khyndaw ha ki kattu katni ki bynta wei da e Contract chawi wow yada ya ki thaw wa chariñ ha ki 7 tylli ki bynta yong u sarok. 

Da pyntip wa kamwa man kattæ yeini i kreh u leh da ka M/s MFB Geotech Private Limited kawa da yoh ya ka Contract wa chi snem chiteiñ wei i kreh ha kini ki bynta toh kiwa da yabhah 50 hadooh 100 meter i jrong kawi ka bynta yow lait u chah ktah u sarok.

Related posts

Najrong ka Concert pyrthai, sa ka Concert niam u pynman ka sorkar ha Khasi-Jaiñtia wa Garo Hills

November 2, 2026

U CM kwah u wow pteiñ O kam u Montri ha ki kaam uiñke suwari: Paul

November 2, 2026

Kattæ i kreh wa da leh toh ha i bynta wa 105 Km uni u sarok deiwa booh ki liar (Culvert) khlem da pynthut yei lai i wan ki kari. Wei lait noh na ki 2-3 tylli ki bynta wa jrong 50 hadooh 100 meter, waroh u sarok toh uwa da krehkaam.

U muktiar ka NHAI da kular u ya ka High Court wa i thaw wa sah wa kynthup yei thap Pipe namo ki liar ha u sarok daw pyndep noh hapoh ar tayaaw. 

Ka Court da phah ko leh ya ka NHAI wow e Affidavit wow pyntikna wa i kreh u pybdep hapoh kani ka  24 tarik.