Ka sorkar jylla daw chna ko ya ka Meghalaya House wa thymme ha Vellore neibynta kiwa lai thooh dawai na CMC Vellore wei yeini da khana u Minister ka General Administration Department, u Sosthenes Sohtun hadien wa pait ya i yung wa da em chwa katni.
Ya u Minister da synraan da u Commissioner & Secretary, OSD wa kiwa kreh ka Meghalaya House Vellore heiwa da pynman ya ka yalang heiyatoh wa ka Meghalaya House wa katni ha Vellore.
I yung wa katni man i iwa da rim iwa em du 30 kamra wei da chakri i ya kiwa wan thooh dawai na Meghalaya cha CMC Vellore.
U Minister da kubur u leh wa sdang boon kiwa thooh dawai na kani ka sorbah heiwa du ha u 2025 da em palat 212 ngut wa wan thooh dawai heiwa da sñiawhun ki wa biang i thaw sah wa kiwi ki laad yarap ka sorkar.
Da e khublei u ya u Chief Minister, u Conrad K Sangma wa ka sorkar Meghalaya wa e thaw sah kamjooh wow kit ya ki bru cha kani ka thaw sumaar.
Chooh chooh da ong u wa ka bui (Report) ki sahep ka PWD da ong wa i man i long ka Meghalaya House ha Vellore toh iwa tlot wei emkaam u chim rai smat kamtæ na u July daw kyrriah noh cha iwi u yung wa chim wai wei ka sorkar da angnood ko wow chna ya ka Meghalaya House wa thymme ka wow ye u pdiang rap boon ki bru wei dang yang sa i rai ka chnat Planning wa Finance.
Discussion about this post